Issittumi ilisimatusarnerup aningaasaliiffigineqarnera annikippoq

Nunatsinni ilisimatusarnermut tunngasunik danmarkimi politikerit kaammattuinngippaallaartut, Københavnimi Geologisk Museum-imi siulittaasoq nunatsinnilu ilisimatusarnermut siulittaasoq, Minik Rosing isumaqarpoq.

Danmarkimi issittumi ilisimatusarnermut ukiumut tamaallaat 100 million koruunit atorneqartarput.

Ilisimatusarnermut misissuisarfiup

Forskningsanalysip naatsorsuineratigut ukiut qulit ingerlanerani ilisimatusarnermut aningaasaliissutaasartut affaannanngortinneqarsimapput, taamaalilluni Danmarkip ilisimatusarnermut siuttuunini maangaannarteriaannaagaa, Minik Rosing isumaqarpoq.

Danmarkip issittumi ilisimatusarnemut aningaasaliisarnermini annikilliliinera ilutigalugu, nunat allat issittumi ilisimatusarnissaminnik soqutiginnittorujussuupput, sorrlu immap sarfai pillugit ,silaannaap allanngoriatornera, immallu naqqani ilisimatusarfiginissaat soqutigineqartorujussuullutik, Minik Rosing isumaqarpoq.

Nunat issittumi ilisimatusarnissaminnut Tyskland soqutiginnittorujussuuvoq; kisianni aamma nunat allat soorlu USA, Norge, Canada, Rusland, Sverige Frakrig-ilu ilisimatusarnissamut soqutiginnipput.

Minik Rosing isumaqarpoq amerlanerusunik aningaasaliinikkut naasunik uumasunullu ilisimatusarneq annertusisariaqartoq, Weekendavisen allappoq.