Issittumi ilisimatusarneq tunulliunniarneqanngilaq

Ilisimatusarnermut ministerip, Helge Sanderip, aviisimi Politikenimi tamanna erseqqissaatigaa, Issittumi ilisimatusarneq tunulliunniarneqarnerarlugu ilisimatusartut hornorujunit amerlanerit ministeriaqarfimmut naammagittaalliorlutik allagaqareersullu.
septembarip 29-at 2009 09:13

Issittumi pissutsinik ilisimatusarfiup atorunnaarsinneqarnera, aamma Issittoq pillugu atuakkanik atorniartarfiup Københavnip Universitetianut Danmarkimilu Avatangiisit pillugit misissuisoqarfimmut inissinneqarnissaa ilisimatusartunit naammagittaalliutigineqarpoq.

Ilisimatusarnermulli ministerip, Helge Sanderip, oqarnera naapertorlugu, Issittumi ilisimatusarnermut aningaasat aatsaat taama amerlatigisut atorneqarput.

- Issittumi ilisimatusarneq tunulliunniarneqanngilluinnarpoq. Aalajangiunneqaannartoq-una atuakkanik atorniartarfik aggulullugu institutioninut allanut nuunneqassasoq. Atuakkanik atorniartarfik ministerimut allaat qanilliallappoq, tassami taanna maanna Ilisimatusarnermut Ineriartortitsinermullu Aqutsisoqarfimmippoq, Helge Sander Politikenimut oqarpoq.

Ilisimatusarnermulli ministerip taama oqarnerata ilisimatusartut qularunnaarsinngilai.

- Atuakkanik atorniartarfiup peerneratigut Issittoq pillugu danskit paasisaqarusussusaannut misileraaneq aserorneqassaaq. Tamanna isumakulunnartortaqarpoq, Issittumi pissutsinik ilisimatusarfimmi pisortaasimasoq, Karsten Secler, oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq