Issittumi ilisimatusarfittaalerput
Canadami naalakkersuisut Issittumi sunniuteqarnerunissartik maanna angunialerpaat.
- Pisariaqartipparput inuiaqatigiit peqqissuunissaat aamma nunap avannaarpiarsuani innuttaasut ilinniarluarsimasut inuiattullu toqqissisimallutik inuusut, Frances Abele, Carleton Universitymi professori nutaarsiassaqartitsivimmut CBC Northimut oqarpoq.
Taakkartorneqartunut ilisimatusarfik qulakkeerinneqataasinnaasoq, professori isumaqarpoq.
Issittumi ilisimatusarfeqalernissamut isuma nutaajunngilaq. Canadami ministeriuneq ilisimatusarfimmut qaammat kingulleq tikeraareersorlu oqallinneq aallateqqippoq.
Ilisimatusarfimmik ataaserujussuarmik pilersitsisoqassanersoq imaluunniit Canadami nunap immikkoortui Nunavut, Yukon aamma Nordvestterritoria - ilisimatusaatit suunerat apeqqutaatillugit pilersitsiviussanersut, ssittumi Ilisimatusarfimmut aningaasaliisoqartinnagu, aalajangerneqaqqaassaaq.
