Issittumi agurkinik naatitsiniartut
Ruslandip issittortaani gassimik qalluinermi gassi sinnerussaq tunisassiornermi atorneqarsinnaanngitsunik akulik ikuallaannarneqartarpoq, tamannali nukissiuutigineqarsinnaagaluartoq, Ruslandip avatangiisinut ministeria Yuri Trutnev isumaqarpoq.
Ruslandimi nutaarsiassaqartitsivik RIA Novosti taama allappoq.
- Ruujorilersuinissaq akisuallaassappat, qalluiffimmi gassimik atuisalersinnaanissaq periarfissaanersoq misissortariaqarparput, Yuri Trutnev oqarpoq, nangillunilu:
- Taamaalinikkut illut naatitsiviit pilersinneqarsinnaassapput, agurkinillu naatitsisinnaalissalluta, avatangiisinut ministeri oqarpoq.
Kikkut agurkinik pisisuussanersut ministerip oqaatiginngilaa. Agurkit russit mamarisarisorujussuuaat, amigaatiginngilaallu.