Issittormiut cirkusiat Nuummiittoq
Innermik anersaartarsimapput aammalu tupinnartuliat nunani allani ilisimaneqartut takutittarsimapput. Taakkuli alutornaqutigaat Nunavumi illoqarfeeqqami Igloolik-mi najugaqaramik. Qangali piviusunngortikkusutaq inuusuttut taamaasillutik pilersissimavaat.
Maannalu tassa siullerpaamik Nuummi tikeraarput. Tamanna piviusunngorsinnaasimavoq Nuummi aliikkusersuisartut isiginnaartitsisartullu peqatigiiffiat NAIP suleqatigalugu. NAIP'p Nunavumi tikeraartarnerani suleqatigiinneq aallartissimavoq
ArtCirq-imeersut piginnaasaminnik meeqqanut atuartunut takutitsisarput workshopimik malitseqartumik. Tamanna Atuarfik Hans Lynge-mi, Nuussuup Atuarfiani aamma Atuarfik Samuel Kleinschmidtimi pivoq. ArtCirq Nuummi inuusuttut siuarsartut NUIF-imeersut suleqatigalugit aamma inuusuttunut workshopertitsisut Kommuneqarfik Sermersooq nittartakkamini allappoq.
ArtCirq-ip tikeraarneranut aningaasaliissuupput Sermeq Fonden, N.U.I.F. aamma Kommuneqarfik Sermersuumi atuarfeqarnermut immikkoortoqarfik.