Issittoq sukkasuumik sunnerneqartoq

Nunarsuarmi silaannap allanngoriartorneranut  atatillugu silaannarmik mingutsitsinerup issittumut sunniutai ukiuni sisamani kingullerni ilisimatusarfigineqareersullu paasineqarpoq, nunani suliffissuaqarfiusuni pujoorfissuit aniatitaat biilerpassuillu pujui issittumi avatangiisinut sunniuteqartut. Silaannarmik mingutsitsinerup issittumut sunniutaanik misissuisuupput nalagaaffiit issitumiittortallit issittumiittullu arfineq pingasut, tassaasut Danmark, USA, Canada, Rusland, Island, Norge Finland aamma Sverige.

Misissuinermi amerikamiut sinnerlugit suleqataasoq immap silallu pissusiinik ilisimatooq Robert Corell oqarpoq silaannaap allanngoriartornera issittumi malunniutilereersimasoq.

Misissuinermi nalunaarusiap saqqummiuppaa silaannarmik mingutsitsisoqarneratigut silaannap kissakkiartornera issittumut maanna sukkasuumik sunniuteqartoq, issittumilu silaannaap allanngornerata nunarsuup sinneranut sunniutai aatsaat taama ersaritsigisumik takuneqarsinnaalersut.

Ukiuni 100-ini tulliuttuni silaannaap annertuumik allanngoriaateqarnissaa ilimagisariaqartoq misissuisunit oqaatigineqarpoq. Silaannaallu allanngoriartornerata, avatangiisinut inuuniarnermut aningaasarsiornermullu sunniutai malunnarsilereersut pinngitsooranilu tamakkunatigut allanngortitsinermik silaannap allanngoriartornera kinguneqartitsiumaartoq oqaatigineqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat