Issittoq qarasaasiakkut misissuiffigineqarsinnaanngussaaq

Ellesmer Islandip avannaata kangiani nuna allanngutsaaliugaq piviusorpaluttungorlugu sammivinnit pingasunit qarasaasiakkut takuneqarsinnaanngussaaq.
Allattoq Jaaku Lyberth
juulip 18-at 2010 15:47

Nunami allanngutsaaliukkami sulisut sapaatip akunnerani uani Aasuitsup qeqertaaniipput assiliiartorlutik, assilisaallu piviusorpaluttunngorlugit qarasaasiami takuneqarsinnaanngortussaallutik, nutaarsiassaaqartsivik CBC News taama allappoq.

Pallittaalisaq piviusorpattunngorlugu qarasaasiakkut takuneqarsinnaasunngortussaq, Fort Congerimik taagutilik, amerikamiut issittumi ilisimasassarsiortuinit 1881-imi sananeqarpoq, ilisimasassarsiortut taanna ukiiffigisarpaat ilisimatuussutsikkullu misissuinerminni atortarlugu.

Pallittaalisaq Robert Pearyp atorunnaarmagu piiarneqarpoq.

Maannakkut pallittaalisat mikisut pingasut,iglotut ilusilersukkat, taamanersisat atapput.

Qarasaasiakkut piviusorpaluttunik takusassaqalernikkut neriuutigineqarpoq, nunap allangutsaalisap soqutigineqarnerulernisaa aammalu Canadap issittortaata oqaluttuarsaataanik inuit ilisimasaqarnerulernissaat.