Kalaallit Nunaat Issittorlu pillugit Københavnip Universitetiani ilinniarfimmi nutaami ilinniartut tallimat septembarip aallaqqaataanit aallartissapput.

Issittoq Nunarpullu pillugit ilinniarfik nutaaq Københavnimi aallartilersoq

Københavnip Universitetiani Kalaallit Nunaat Issittorlu pillugit nutaamik ilinniarfeqarpoq, ilinniarfik nutaap Eskimologimut taarsiutaavoq.

Kalaallit Nunaat Issittorlu pillugit Københavnip Universitetiani ilinniarfimmi nutaami ilinniartut tallimat septembarip aallaqqaataanit aallartittussanngortut, Universiteti nalunaaruteqarpoq.

Ilinniarnermut eskimologiitoqqamut taartaasumut qinnuteqartut 24-upput. Piukkunnarnerpaallu tallimat toqqarneqarput, ilinniartut ilaat nunatsinneersuullutillu Danmarkimeersuupput.

Issittumi sammisat assigiinngitsorpassuit Kalaallit Nunaat Issittorlu pillugit ilinniarnerup nutaap imarissavai.

Kalaallit Nunaanni aamma Canadami, USA-mi Ruslandimilu Inoqarfinni siornatigut ulluatsinnilu piorsarsimassutsimi aamma inuiaqatigiinni pissutsit ilinniarnermi ilisaritinneqassapput.

- Ilinniarfissami nutaami pisut piviusut tunngavigineqarnerussapput, taamaammat ilinniartut pisunik piffissami piffiusut isiginiassavaat taakkulu aaqqiissuteqarfiginissaanut atortussanik pissarsisassallutik, Søren Thue Thuesen Københavnip Universitetiani Kalaallit Nunaat Issittorlu pillugit ilinniarfimmi lektori, immikkoortortaqarfimmilu aqutsisoq oqarpoq.

Matumani Kalaallit Nunaanni mittarfiit, attaveqaqatigiinnerup, ilinniartitaanerullu ineriartornera kiisalu Issittoq pillugu nunanit allanit soqutiginninneq pineqarsinnaallutik.

Tamatuma saniatigut kalaallit oqaasii allamiut oqaasiitut ilinniartitsissutigineqartassapput

Kalaallit Nunaat Issittorlu pillugit kandidatinngortussat annertuumik piukkunaateqarlutik Issittoq pillugu assigiinngisitaartumik eqqarsaatigilluakkamillu suleriaaseqarnissaminnut piareersarneqaassasut neriuutigineqarpoq.

- Suliffimmi misiliinerit annertusineqassapput, taamaalilluni ilinniartut allakkamik atuaaginnarnatik allanik suliaqarsinnaassapput.

Tamatuma saniatigut kalaallit oqaasii allamiut oqaasiitut ilinniartitsissutigineqartassapput

Kalaallit Nunaat Issittorlu pillugit kandidatinngortussat annertuumik piukkunaateqarlutik Issittoq pillugu assigiinngisitaartumik eqqarsaatigilluakkamillu suleriaaseqarnissaminnut piareersarneqaassasut neriuutigineqarpoq.

Immikkoortortaqarfik Eskimologitulli Strandgademi Det Arktiske Husimi inissisimavoq, issittoq pillugu suliffeqarfiit assigiinngitsut ilaatigut Polarbiblioteket illoqatigalugu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat