Issittoq danskit qaammataasaannit nakkutigineqalerpoq
![](/sites/default/files/styles/image_934x467/public/article_images/gomspace.jpg?itok=CPlxgumt)
Satelliti Aalborg Universitetimi siornatigut ilinniartuusimasunit sananeqarsimavoq, Issittullu nakkutigineqarsinnaanissaanut periarfissiilluni. Danmarkimi suliffeqarfiup GomSpace-ip tamanna periarfissarilermagu. Aviisip Politikenip nittartagaani tamanna atuarneqarsinnaavoq.
Danmarkip angisuujunngikkaluarluni satellitinik avataarsualiartitsisinnaanera, GomSpace-ip ukiorpassuarni sulissutigisimavaa, Issittup aningaasartuutaavallaanngikkaluartumik nakkutigineqarsinnaanissaa sulissutigisimallugu.
Issittup politikkikkut aningaasarsiornikkullu soqutigineqaleraluttuinnarnera eqqarsaatigalugu tamanna pingaaruteqarpoq.
Issittup nakkutigineqarnerunissaa Illersornissaq pillugu Danmarkimi partiit isumaqatigiissutaanni kingullermi siunniunneqarnikuuvoq.
Aningaasat 100 millionit koruunit naliliinissamut atorneqartussat 2017-ip tungaanut aningaasaliissutigineqarsimapput, katillugillu 360 millionit koruunit piviusunngortinnissaannut immikkoortinneqarsimallutik.
Satellitit angivallaanngikkaluartut atorlugit timmisartut umiarsuillu nakkutigineqarsinnaanissaat anguniagaavoq, soorlu aamma pisortanut illersornissamullu tunngasunut attaveqaatitigut periarfissat pitsanngorsarneqarniartut.