Issangiarnerani ulapputtunnguaqassaaq

Danmarkimi aperujussuartarnerata kingorna apussarinninnguussimasut aanneranni, erngup sumut tamaannga kuunnginnissa pillugu ulapputtunnguaqarpoq. Sillimaniarneq pillugu Aqutsisoqarfik, ullup unnuallu ingerlanerani 23-eriarluni ikuukkiartortitsisimalereerpoq.

Silasiortut aallerisaaripput ulluni tulliuttuni issangiassasoq, taamaattumuillu oqartussat aarleqqutigaat suli ulappunnersuaqassasoq.

- Sumiiffinni ataasiakkani qarsutsisoqaraagat pumpersuit atorlugit imaajaasassaagut. Aqquserngit aamma illut pingaartinnerussavagut, Sillimaniarneq Pillugu Aqutsisoqarfimmi pisortaq, Jens Roland oqarpoq.

Issagiarnerani Jyllandip qiterpasissua eqqorneqarnerpaavoq. Holstebro-p eqqaaniittoq taseq qarsutsimmat, illioqarfiup iluani aqquserngit kuuffigineqaqaat. Aamma Jyllandip avannaani ajornartorsiorput, illoqarfeeqqami Oue-mi, Mariagerip kangerluaniittumi, illut arlallit kiilerii imermik ulikkaarsimapput.

- Tatsip ernga maanna pumpersuit atorlugit imaarsarparput. Taamaaliunngikkutta sapusiarlu aserorpat, illut 20-it missaanniittut eqqugaassapput, kommunemi annaassiniartartut pisotaat, Rene Nikolajsen Danmarks Radiomut oqarpoq.

Motorvejeni aamma aaqusinerni biilit ingerlaarfigisaanni imeq kuuttoq aamma ajornartorsiutaavoq. Aqqusinernut Pisortaqarfiup nalunaarutigaa aqqusinernit ilaat imermik qallerneqarsimasut. Motorveje E39, Hirtshalip tungaanoortup ilaani maraaq aqqusinermiittoq oqaatigineqarpoq.