Israelimiut Palæstinamiunut saassusseriaannaapput
Israelimi illoqarfiit Gazap avannaaniittut sapaatip akunnerata naanerani qaartartunit igeriuttakkanit eqqorneqaqattaarput, taama pisoqarluni Hamasip Israelimik sakkuaakkunnaarnissamik isumaqatigiissut, qaammatini arfinilinni atuussimasoq, tallimanngormat atorunnaarsereeraalu.
Taamatut sakkortusaartoqaqqilernerata kinguneranik Israelimi naalakkersuisut sumiiffinnut Hamasip nakkutigisaannut saassussinissartik eqqarsaatigigaat nutaarsiassaqartitsiviit nalunaarutigaat.
Ministeriunerugallartup Ehud Olmertip naalakkersuisut ataatsimeereersullu avammut oqaaseqarnissani tunuarsimaarfigaa, taamaattorli ministerini sakkortusaarpallaarnissamut mianersoqqullugit.
- Naalakkersuisut akisussaassuseqartut sorsunnissaq ujartornavianngilaat, kisianni aamma qimarratiginavianngilaat. Israelimit akissuteqarnissap qaqugu pisinnaanera eqqarsaatersuutigineqarpoq, Olmert oqarpoq.
Israelimiut sakkutooqarfiannit nuimasut ilaata ullumi oqaatigaa, sakkutuulersornissaq avaqqunneqarsinnaanngitsoq, maannami Palæstinamiut Israelimiut illoqarfii killeqarfinnut qanittumiittut saassuttaqattaareermatigik.
