Israelimiut mianersoqquneqarput

Israelimi sakkutuut Vestbredden-imi Gaza-milu nunarsuarmioqatigiinnit mianersoqquneqalerput. Nunat pisuunerpaat arfineq-pingasut, soorlu USA Rusland EU-milu nunat anginerit, ernummatigaat Hamas-ikkut naalakkersuisuini ministerit arfineq-pingasut Israelimiunit tigusarisarineqarsimanerat.

Palæstinamiulli aamma uparuarneqarput. Taakkununnga piumasarineqarpoq israelimiut sakkutuuat qimanngunneqartup iperagaanissaa.

Sakkutooq sapaatiummat qimarngunneqarmat israelimiut saassussisaqattaarneri aallartipput, naalagaaffiilli aallartitai maanna akulerummata saassussisaqattaarnerit sorsunnermik kinguneqassanngitsut DR-ip aallartitaa oqarpoq.

- Egyptenimiunik akunnermiliuttulerlutik isumaqatigiinniarnerit arlalissuit ingerlanneqarput, pingaartumik israelimiup sakkutuup qimarngunneqarnera pillugu. Arlalinnit oqaatigineqarpoq sakkutuup iperagaanissaa suli kingusinaanngitsoq, sulilu isumaqatiginninniartoqarsinnaasoq, tusagassiortoq Hanne Foighel Tel Aviv-imiit oqarpoq.