Israelimi naalakkersuisoqatigiiliortoqalerpoq
Israelip ministeriunerigallagaa Ehud Olmert, aamma sulisartut partiiata siulittaasua Amir Peretz naalakkersuisoqatigiinnissamik ullumi atsioqatigiissuteqarput.
Israelimi qaammatip ataatsip matuma siornagut inatsisartunut qinersisoqarpoq, naalakkersuisoqatigiissarsiornerlu sapaatip-akunnerini pingasuni ingerlasimalluni.
Sulisartut partiia arfineq-marlunnik naalakkersuisuutitaqalissaaq Peretzilu illersornissamut ministerinngussangatinneqarpoq.
Olmertip partiia Kadima soraarninngorsimasut partiianik isumaqatigiissuteqareerpoq, maannalu tassa sulisartut partiiannik isumaqatigiissuteqarnermigut Israelimi inatsisartuni Knessetimi issiaviit 120-isut ilaat 55-it issiavigisussanngorpai.