Israelimi illuatungiliuttut Parlamentimut qinerseqqusipput
Taama pisoqarpoq nunanut allanut ministeri Tzipi Livni partiimi naalakkersuisuutitalinni Kadimami siulittaasututut ajugaaqqavereersorlu. Tzipi Livni ajugaanermi kingorna nutaanik naalakkersuisooqatigiiliornialereerpoq.
- Demokrati tunngavigalugu ingerlaqqissagutta qinersisoqartariaqarpoq, Netanyahu Tel Avivimi tusagassiortunik katersortitsisoqarnerani oqarpoq.
-Israelimi innuttaasut millionilikkaat namminneq aalajangertariaqarpaat kimit aqunneqarnissartik, Kadimamik illersuisut hornorujulikkaaginnaasut aqutsisussamissut pingaartinnagit, Netanyahu nangippoq.
Israelimi ministeriusimasup, Ehud Olmertip, atorfimminut atatillugu peqquserlussimasutut pasisaanermi kingorna tunuareerluni nalunaarutigaa, kinaluunniit ministeriuninngoraluartoq sutigut tamatigut tapersersorumaarlugu.