Israelimi arnamik ministerinngortoqarpoq

Golda Meir 1970-ikkunni ministeriunerummalli, arnamik Israelimi kingumut ministeriuninngortoqaqqissaaq. Arnaq ministeriuninngortussaq tassaavoq nunanut allanut ministeri, Tzipi Livni, partiimi naalakkersuisuutitaqartumi, Kadimami, ippassaq siulittaasussarsiortoqarmat ajugaasoq.
septembarip 18-at 2008 07:26

Ministeriuneq Ehud Olmert atorfimminut atatillugu peqquserlussimasutut pasineqarnermi kingorna tunuartariaqalerpoq, siulittaasunngortullu naalakkersuisooqatigiinnik nutaanik pilersitsinissaminut ullut 41-t maanna periarfissarilerpai. Tamanna iluatsinngippat ukiup aappaa avillugu sioqqutsilluni qinersisoqartariaqassaaq.

Siulittaasunngorniunnermi unammipput nunanut allanut ministeri, Tzipi Livni, aamma illersornissamut ministeriusimasoq, Shaul Mofaz, tupaallaatigineqartumillu ajugaavoq Israelimi naalagaaffiup isertortumik paasiniaasartuini, Mossad-imi, kilitsissiaasimasoq, Tzipi Livni.

Ministeriunerusimasup, peqquserlunneragaasup,

Ehud Olmertip, Livni ajugaanerani pilluaqquvaa, tapersersorumallugu neriorsorlugu.