Israelimi akerliullutik ingerlaaqatigiittut

Akerliussutsimik takutitsinerup perulluliornernik kinguneqarnissaa Israelimiut aarlerigaat.

Ingerlaaqatigiit imminnut tasiorlutik akerliussutsimik takutitsiniartut aaqqissuisunit oqaatigineqaraluartoq, aqqusinerni assersuiffitik ingerlaaqatigiinniartunit qaangerniarsarineqarnissaat Israelimiut aarlerigaat. Januaarimmi qaammataata naalernerani Gazamiut Igitsinimut killeqarfiup eqqaani akerliussutsimik takutitsillutik killeqarfimmi assiaqutit aserorterlugit Igitsinimut isaapput inuuniarnerminni pisariaqartilluinnakkaminnik aallerlutik, Israelimiut mattussinerisa kingorna suut tamangajaasa amigaatigilersimagamikkit. Taamatut pisoqarnera Israelimiut tupaallaatigeqaat, Gazami pissaanillit Hamasimeersut nukillaarsaraluaramikkit tassani qanoq nukillaartikkuminaatsigalutik takutimmassuk, Igitsinimiullu qanoq iliuuseqarnissartik naluleraluarmassuk. Maanna Igitsinimiusut inisseriassasoralutik Israelimiut aarlerilerput. Palæstinamiut akornanni illuatungiliuttut Fatah-meersut præsidentiat, Mahmud Abbas kisiat Israelimiut isumaqatiginiarusukkaluaramikku.

Gazamiunik mattussineq Israelimiunut unitseqqullugu Europaparlamenti kaammattuivoq.