Israeli Palæstiinalu immikkut naalagaaffeqalernissartik kissaatigaat

Kangia Qiterlermut tunngasunut saalaassaagut, Israeli Palæstiinallu nalagaafeqatigiinnertik pillugu avissaatinneqarlutillu eqqissinissamik Jordanimi kunngi isumaqarpoq.
Assi © : Israel Defense Forces/Flickr Creative Commons
Allattoq Ritzau
maajip 29-at 2019 19:20

Nunat taakku marluk akornanni naalagaaffinnik marlunnik pilersitsisoqarneratigut aatsaat nunat taakku eqqissisinnaapput.

Taama Jordanip kunngia Abdulla Trumpip ningaava Jared Kushner kangia qiterlermilu siunnersortia ataatsimeeqatigigamiuk naqissusiisoq.

Naalagaaffinnilli marlunngortitsinissaq Jordanip aalajangiusimasaa Trumpip naalakkersuisuisa kangiani qiterlermi eqqissinissamik pilersaarutaannut naapertuussimarpasinngilaq.

Kushner ullaaq manna jordanip illoqarfiisa pingaarnersaanut Ammanimut tikippoq. Taanna kangia qiterlermi eqqisseqatigiittoqarnissaa pillugu kaammattuuteqarniarluni qaammatini tulliuttuni Bahranimi ataatsimiititsiniarpoq.

Naapeqatigiinnermi amerika eqqisseqatigiinnissaq pillugu aningaasatigut tunngassuteqartunik saqqummiisussaavoq. Ilaatigut Palæstiinamut nunap ilaanullu aningasaliissuteqarnissamut tunngassuteqartut.

Eqqissinissamik pilersaarusiaq Palæstiinamiunit isumaqatigineqanngilaq, illuinnaasiorpallaarsorineqarluni.

Palæstiinami aqutsisut siusinnerusukkut oqarnerat naapertorlugu Bahrainimi ataatsimiittoqarnissaa pillugu ilisimatinneqarsimanngillat. Taamaammat naalagaffiit arabiamiittut ataatsimiinnermut peqataannginissaat inassuteqarfigineqarput.