Israel unioqqutitsivoq

Libanon-ip qiterpiaa ullaaq manna Israelip sakkutuuisa saassusppaat.

Taamatut saassussineq sakkuaakkunnaarallarnermut ataatsinngormalli isumaqatigiissutigineqartumut innarliivoq.

Saassussineq sakkuaakkunnaarnissamik isumaqatigiissummut unioqqutitsinerulluinnartoq, Libanonip premierministeria Fouad Siniora oqarpoq.

Taamatullu pisoqarnera FN-imi generalsekretærimut Kofi Annan-imut anngunneqassasoq oqaatigineqarpoq.

FN-ip qullersarisaasa Libanon-ip premierministeria tapersersorpaat. - Sakkuaakkunnaarnermut isumaqatigiissummut unioqqutitsineruvoq sakkortooq, FN-ip aallartitaa Terje Rød-Larssen Libanon-imi tv-qarfimmut oqarpoq.

FN-ip Israeli unitsinngippagu, Libanon-ip kujasissuanut sakkutuuliinissamik neriorsuisimaneq unitsinneqarsinnaasoq, Libanon-imi illersornissamut ministeri Elias Murr siorasaarivoq.

Peqqarniisaarnianik unitsitsiniarluni taamatut saassussisoqartoq, Israelimi sakkutuut oqarput. Ilaatigut Hizbollah-liartunik sakkunik Syriamiit Iranimillu assartuinissamik peqqarniisaarniat pilersaaruteqarsimasut Israelimiut oqarput.

Libanon-imi Hizbollah-nut sakkunik pajuttuineq unitsinneqanngippat, saassussinerit assingusut Israelimit ingerlanneqartuassasut, Israel nalunaarpoq.