Israel iluarseeqqullugu USA-mit kaammattorneqarpoq

Gazami innuttaasunik ikiorsiinermut atugassanik 2,5 milliardit koruuninik USA tapiissuteqartoq, Ritzauimi allaaserineqarpoq.

Gazami pissutsinut aaqqiiniarnermi nunat attuumassuteqartut Israelip suleqatigilissagai, præsident Obamap aamma inassutigaa.

Tamatumunnga peqatigitillugu Obamap oqaatigaa, sapaatip akunnerani kingullermi Israelimiut sakkutuuisa umiarsuarnut, ikiorsiissutissanik usisunut, Gazaliartunut saassussinerannik misissuinissamik, Naalagaaffiit Peqatigiit isumannaallisaaniaqatigiivisa piumasaat, Israelip malissagaa, naatsorsuutigigini. Obama taama oqaaseqarpoq, Palæstiinamiut præsidentiannik, Mahmoud Abbasimik, Washingtonimi naapeqateqareernermi kingorna.

Obamap ilanngullugu kajumissaarutigaa, Israelimiut nunaminernik tiguaasarnitik unitsissagaat. Aamma Palæstiinamiut kajumissaarpai, aaqqiagiinnginnermut annerulersitsiinnartussanik iliuuseqarnaveersaaqqullugit.

Umiarsuit saassunneqarneranni qulingiluat toqutaapput.