Hamasit Israelilu 2008-mili pingasoriarlutik sorsuutereerput. Islamisiortut ingasaassinialli Israelimut piffissami kingullermi pisortatiguunngitsumik sakkuaakkunnaarallariartorput. (Toqqorsivimmit assi) Assi: Jaafar Ashtiyeh/AFP/Ritzau Scanpix

Israel: Hamasit sakkutuuvut arnap assingi atorlugit qarasaasiakkut uukapaatippai

Hamasit qarasaasianut avaanit appakaattartuisa arnat inuusuttut kusanartut nittartakkatigut attaveqatigiittarfiini assinginnguatsiagaat atorlugit sakkutuut oqarasuaataat appakaaffigaat.

Israelip sakkutuuisa tuusintilikkaat oqarasuaataat palæstinamiut sakkutuutut pissusilersortuinit Hamasinit appakaaffigineqarput. Israelip sakkutuuisa oqaaseqartartuat taama oqarpoq.

Hamasit paasissutissanut pingaarutilinnut appakaannissaat pinngitsoortinneqarsinnaasimasoq, Israelip sakkutuuisa oqaaseqartartuat, Jonathan Conricus, oqarpoq.

- Tamannali suli naliliiffigineqaleruttorpoq, Jonathan Conricus oqarpoq.

Arnat inuusuttut kusanartut uukapaatitsissutaasimasut

Qarasaasianut avataanit appakaattartut uukapaatitsinerminni nittartakkatigut attaveqatigiittarfinni allaasuusaarsimapput. Allaasuusaarnerminni arnat inuusuttut kusanartut assingi atorlugit israelimiut sakkutuui attavigisarsimavaat.

Sakkutuut qisuariaraangata attaveqatigilertarsimavaat, sakkutuullu assinik issariarnerit 30-t qaangiukkaangata isumaminnik nungutertartunik paarlaateqatigiumaneqartarsimallutik. Sakkutuut taamaalillutik app-inik qarasaasianut ajoqutaasinnaasunik aallertitaasarsimapput.

Oqaaseqartartup Jonathan Conricusip oqarnera naapertorlugu Hamasit sakkutuut oqarasuaataat nittartakkatigut attaveqatigiittarfiit aqqutigalugit ikinnerpaamik pingasoriarlutik appakaaffiginiarsarisimavaat.

Gazami nakkutiginnittut, Hamasit, tamanna pillugu oqaaseqarusussimanngillat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat