Israel Amnestymit unnerluutigineqarpoq
Amnesty International-ip nalunaarusiami nutaami Israel-ip Libanon-imut saassussisaqattaarnermini sorsunnermi malittarisassanut peqquserluuteqarsimasutut unnerluutigaa.
Nalunaarusiami allassimavoq, Israeli Libanonip attaveqaataanik pilersaarusiukkamik aserorterinermini naalaagaaffiit innuttanut pisussaaffiinik unioqqutitsiso
Israelip sakkutuui juulip aqqaneq aappaaniit aggustip 14-iata tungaanut 7.000-riarluni timmisartunik saassussisimavoq. Taassumalu saniatigut raketinik qaartartunillu 2.500-rujoriarluni umiarsuarnit igeriussisarluni. Israelilli Hizbollah-nut kisimi saassussisarluni oqaatigiuarsinnarpaa, tamannali Amnesty-mit eqqunnginnerarneqarpoq.
Amnestylli saassussinernut akisussaasut kisimik pillarneqarnissaat kissaatigaat.
Amnesty inuinnarnik, Naalagaaffiit Peqatigiinni atorfilinnik, israelimiut sakkutuuinik Libanonillu naalakkersuisuinik apersuilluni nalunaarusiaq suliarivaa.
Amnestyp Naalagaaffiit Peqatigiit sukumiisumik kimulluunniillu attuumassuteqanngitsumik misissuinissaannik piumasaqarput.
