Isorininneq tunngavissaqannginnerarpaat

Angutip aappaa toqutsisimasutut pasineqarluni tigummigallagaasutut politiinit oqaatigineqaraluarpoq, nakkutilliisoqaranilu aneertoq oqaatigineqarluni.

Taamatulli oqarnerit ilumuunngitsut napparsimavimmit qulakkeerlugu oqaatigineqarpoq.

Angutit pineqartut pineqaatissinneqareerput, pinerluuteqarsimasutullu pasisaanatik. Angutit taakkua ukiut arlallit tarnimikkut nappaateqartut napparsimavianni Risskov-imi uninngaasuupput, katsorneqarneqarlutillu, napparsimavimmi nakorsaaneq Trine Arngrim nutaarsiassaqartitsivimmut Ritzauimut taamatut oqarpoq. Angutit taakkua marluk nakkutiginnittoqarlutik anisinnaatitaapput tamannalu ajornartorsiutaaneq ajorpoq, Trine Arngrim oqarpoq.

Angutit taakkua napparsimavimmi sulisumit ingerlaqateqaratik anisinneqanngillat. Angutit takkua marluk tarnimikkut nappaateqartut uninngavianni Risskov-imi sulisoq ingerlaqatigalugu napparsimaviup qanittuani pisiniarfissuarmiipput, tassaniinnerminnilu qimaallutik,

Tarnimikkut nappaateqartut katsorsarneqarneranni ukiut arlallit qaangiukkaangata sulisumik ingerlaqateqarlutik aneersinnaatitaasarput, tamannalu tarnimikkut nappaateqartut katsorsarneqartarneranni ileqqquuvoq.

Angutit marluk qimaammata napparsimavimmi sulisup anguniarsimagaluarpai, angumerisinnaannginnammigit politiinut kalerriutigisariaqarsimavai ikioqqulluni.

Akunnerit arlaqartut qaangiummata angutit taakua tigusariineqarput, qimaanerminnilu immiaarartorsimapput.