Sydneymi oqartussaasut isumaaluttoqarneranut qujamasupput, qummoroortartoqarpalli ikuallaffiusunut sunniuteqarnaviannginnerarlugu qummoroortartoqarnissaata taamaatinnissaraluata itigartitsissutigaat.Assi: Peter Parks/AFP/Ritzau Scanpix

Isorineqaraluartoq: Sydneymi pisarnertut qummoroortartoqassasoq

Australiami qatserisartuni oqartussaasut takornarianit tuusintilikkuutaanit ussagarneqartartumik qummoroortartoqarnissaanut akuersipput.

Australiami nunap ilaani New South Walesimi qatserisartoqarfik ukiutoqqami pisarnertut qummoroortartoqassasoq ataasinngormat aalajangerpoq, naak nunap ilaani ikuallannerpassuit eqqarsaatigalugit taamaatiinnarneqaqquneqaraluartoq.

Nunap ilaani ikuallannerpassuit eqqarsaatigalugit taamaatiinnaqqusisorpassuaqaalukkaluarpoq.

- Sydneyp umiarsualiviani qummoroortartoqarnissaa akuerineqarmat ukiutoqqami qummortoortartoqassasoq, New South Walesimi qatserisartoqarfimmit taamaaliortoqannginnissaanut saaffigineqaqattaarsimasunit Twitterikkut nalunaarutigineqarpoq.

Inuit 260.000-t missaat pisarnertut qummoroortartoqarnissaata taamaatinneqarnissaa kissaatigalugu atsiorsimasut, nutaarsiassaqartitsiviup AFP-ip allaaseraa.

Australiap aningaasai 6,5 millionit dollarsit - tassa 30 millionit koruunit missaat - Sydneymi qummoroortarnermut aningaasartuutaasarput.

Qatserisartut kajumissutsiminnik suleqataasut tapersersigit

Aningaasat taakku Australiami ikuallannerpassuarnik kajumissutsiminnik suleqataallutik qatsereqataasunut tapersiissutigineqarnissaat kissaatigalugu atsiornernik katersisoqarpoq.

Sydneyllu putsumik toqunartulimmik sapaatit akunnerpassuini pooqqasimanera eqqarsaatigalugu qummoroortartoqarpat innimiilliornerussasoq, aamma tunngavilersuutigineqarpoq.

Sydneymi oqartussaasut isumaaluttoqarneranut qujamasupput, qummoroortartoqarpalli ikuallaffiusunut sunniuteqarnaviannginnerarlugu qummoroortartoqarnissaata taamaatinnissaraluata itigartitsissutigaat.

- Qummoroortartornissamut piareersarluta qaammatit 15-it matuma siorna aallartippugut. Tassa aningaasat qummoroortartornissamut atugassat amerlanerpaartai atorneqareersut, amerlanerpaartaalu qummortoortartornermik isiginnaartussat isumannaallisarneqarnissaannut qummoroortartoqareerpallu iluarsaassinissamut atorneqareersut, Sydneymi oqartussaasut nalunaarutaanni allassimavoq.

Qummoroortartoqarnissaalu taamaatinneqarpat tamanna Syneyp aningaasaqarniarneranut ajoqutaarujussuarsinnaammat taamaatinneqarnissaraluanut itigartitsissuteqarnerminnut aamma tunngavilersuutigaat.

- Australimiorpassuit nunanillu allaneersorpassuit 10.000-likkaat Sydneymut ukiutoqarsioriartorlutik timmisartornissaminnut, akunnittarfimmiinnissaminnut neriniartarfiliarnissaminut innimineereersimanerat aamma qatangiinnassapput.

Australiamiut aningaasai 620.000 dollarsit ikuallattorpassuarnik qatserinermut aningaasaliissutigisimagitsik, Sydneymi oqartussaasut ilisimatitsipput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat