Isoqanngitsoq ataatsimoornermik takutitsivoq: Qaqugumulluunniit ataqatigiinneq

Nuummi aputinik ilusilersuisitsinermi Nuuk Snow Fest 2021-mi ajugaasut sapaammi ualikkut marlunut toqqarneqarput. Ajugaasut tassaapput apummik ilusilersuisut taaguuteqartut BALKKAN, ilusilersugartik taaguuserpaat Forever United - Qaqugumulluunniit Ataqatigiinneq.

IIusilersueqataasoq Kathrine Schmidt tamana pillugu ima oqarpoq: 

- Ataqatigiinnissaq ingerlaartuarnissaq pingaartikkatsigu Kathrine Schmidt oqarpoq. Ataqatigiittariaqarnermik eqqaasai tassaapput Kalaallit Nunaanni najugaqartut avataaniillu tikittut ataqatigiinnissaat pineqarput.

Aput ilusilersugaat aallartiffeqaranilu isoqanngilaq.

- Kaavippoq uniffeqanngilaq ingerlaartuaannassaaq, Kathrine Schmidt taama oqarpoq

kathrine Schmidtd

Apummik ilusilersuinermi Nuuk Snow Fest 2021-mi  ajugaasut arfiniliullutik ulluni sisamani ilusilersuinerminni  oqaluttuarisaanermut tunngassuteqartumik aamma eqqaasaqarput.

- Ukiut 300-it qaangiupput Hans Egedep Kalaallit Nunaannut tikinneraniit tamanna aamma pingartipparput, ataqatigiittuarnissarput ataqqeqatigiittuaannarnissarpullu, Kathrine Schmidt taama oqarpoq.

Aputinik ilusilersuinerup nalaani sila allanngorarpoq issangertarlunilu, apullu aqitsuararsuummat, apummik ilusilersuineq ukiormanna nalunarsimavoq, apummik piiaallutillu ikkussueqqittariaqarsimallutik Kathrine Schmidt oqarpoq

Kathrine Schmidt aputinillu iluisilersuisoqatai tassaasut, Bolatta Vahl, Anders la Cour Vahl, Navarana Kotalawala, Allan Peter Olsen aamma Kim G. Schmidt,   ajugaarnerminni aningaaserivimmit 5.000 kr-nik akissarsipput.  Corona pissutigalugu ukiormanna aputit ilusilersorneqarsinnaasut arfineq pingasuupput.

Aputinik ilusilersukkat arfneq pingasut Nuummi Nunatta Katersugaasiviata silataani marsip ulluisa aqqarngata tungaanut takuniarneqarsinnaapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat