Islandimiut suliffeqarfiutaat mingutsitsinngitsumik angisuumik biililiortoq
Biilit assakaasui sisamat noqittut biilillu allat angisuut, soorlu Toyata Landcruiser, benzinamik atuingaatsiartuusutut ilisimaneqarput.
Tamanna Naalakkersuisut siulittaasuata, Kim Kielsenip nalunngilaa.
Islandimiulli suliffeqarfiutaat assakaasui sisamat noqittunik angisuunik nutaamik biililiorput.
Biililiorfik Ísar naapertorlugu biili assingisunut sanilliullugu attanneqarsinnaalluarneruvoq. Biili islandimiut aluminiutaannik pingaarnermik sanaajuvoq taamaammallu biilinut allanut taama angitigisunut sanilliullugu oqinnerulluni.
DR taama allappoq.
Tamatuma saniatigut biili aallaqqaammut benzinamik dieselimillu atuinani mingutsitsinngitsunik biobrændselimik atuisussatut sanaavoq.
Biili inunnut 20-nut inissaqarpoq, 3 tonsimik oqimaassuseqarpoq 6 meterinillu takissuseqarluni.
Ìsarip biilit tallimat maannamut sanallugillu tunisimavai, suliffeqarfiullu biili Islandimi nunaniillu allanit pisisartunit suli oisiarerusunneqartut nalunaarutigaa.
Biili tamanut aqqusinertigut ingerlanissamut akuerineqarpoq.
