Islandip nunattalu timmisartuat ingerlaannartinniarneqarpoq

Narsarsuup Islandillu akornanni timmisartuussineq aaqqiissuteqarfiginiarlugu Air Greenland-ip Islandimi timmisartuutileqatigiiffik Air Iceland ataatsimeeqatiginialerpaa.

Kalaallit Islandinimiullu soorlu sassaqqaartussaarutiinnartut. Nunatta Islandillu akornanni ukiuni pingasunngortuni timmisartuussisarneq takornariarpassuarnit nunanit tamalaaneersunit atorluarneqartoq pillugu

isumaqatigiissut manna tikillugu nunatsinnit Islandimillu aningaasalersorneqarluni ingerlanneqarsimasoq qaammatip tullianut killeqarpoq, isumaqatigiissutillu nutarterneqarsinnaanissaa nunatsinni takornariartitsinermik sammisaqartunit assut neriuutigineqarpoq.

Nunatta Islandillu naalakkersuisuisa akornanni aqqutip isumaqatigiinniutigineqaqqinnissaa nalunaarutigineqareerpoq mannali tikillugu suli susoqarani. Tamanna pillugu Air Greenland nammineerluni aaqqiissuteqarniaannalerpoq. Islandimi timmisartuutileqatigiit Air Iceland Air Greenlandimit aqagu ataatsimeeqatigineqassapput.

- Ataatsimiinnissami piaartumik Københavnip Islandip Narsarsuullu akornanni aasaanerani timmisartuussinissaq anguniarneqassaaq tassungalu Air Greenlandip Air Icelandillu avitseqatigiillutik aningaasaliissuteqarnissaat aamma anguniarneqassalluni, tamatuma kinngorna angusat naalakkersuisunit akuerineqarnissaat kisinngorutissaaq, Air Greenlandip pisortaa Flemming Knudsen taama ilisimatitsivoq.

Air Greenlandip Air Icelandillu Islandip Narsarsuullu akornanni timmisartuussinerup aasaanerani ingerlannaannissaanik sulissuteqarnerat kujataa takornariartitsivimmit Distination South Greenlandimit neriulluarfigineqartoq takornariartitsiviup pisortaa Tina Jensen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat