Islandip ministeriunera nunarsuarmi pissaaneqarnerpaat ilaagaat

Islandimi ministeriunertaaq, Johanna Sigurdadottír, nunarsuarmi arnat pissaaneqarnerpaat allattorsimaffianni, USA-mi atuagassiat ilaanni, Forbesimi, ilaavoq.
aggustip 20-at 2009 09:06

Johanna Sigurdadottírilli normu 74-iunini naammagiinnartariaqarpaa, Tysklandimimi kansleri, Angela Merkel, nunarsuarmi arnani pissaaneqarnerpaatut Forbesip ukiut sisamassaa toqqarpaa.

Merkel Tysklandimi arnani siullersaalluni 2005-imi kanslerinngorpoq, ilimagineqarporlu naalagaaffeqatigiinnermi septembarip ulluisa 27-anni qinersisoqarnissaata tungaanut kansleriujuassasoq.

Arnat nunarsuarmi pissaaneqarnerpaat atuagassiap Forbesip ukiumoortumik toqqartarpai, USA-milu præsidentip nulia, Michelle Obama, pernaammik toqqagaasunut ukioq manna ilaavoq, normu 40-lluni.

TV-kkut oqallitsitsisartoq tusaamasaq, Oprah Winfrey, normu 41-uusoq, aamma tuluit dronningiat Elisabeth, normu 42-innaasoq, Michelle Obamap taamaalilluni qaangerpai.

Aningaasatigut sunniuteqarneq, tusagassiuutitigut soqutigineqarnerit angusaqarluartarnerillu arnat piginnaanillit toqqagaassutigisarpaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq