Islandip koruunia nalikillisoq
Ruslandimiut aningaasaanik peqquserluttuliorsimaneraanermik pasilliutit Islandip aningaasaqarnermut ministereqarfiata akueriumanngilaa.
Pasilliut Islandip koruuniata nalikillineranik kinguneqarpoq.
Islandimi suliffeqarfiit aqqutigalugit aningaasat Ruslandimiit Islandimut eqqunneqartartut aviisi Ekstra Bladet aqagu saqqummersussaq allaaserisaqarpoq.
- Islandimiunik aningaasanik peqquserluttuliortunik peqarnersoq arlaatigulluunniit eqqunngitsuliortoqarnersoq ilisimanngilara, Islandip aningaasaqarnermut ministeria Arni Mathiesen tuluit nutaarsiassaqartitsiviannut Reuters-imut oqarpoq.
Aviisi Ekstra Bladet ippassaq saqqummermat peqquserluttuliortoqarsimanerannik allaaserisatik ippassaq siullermik saqqummersippaat, Islandillu koruunia 2 procentit sinnerlugit ippassaq nalikillilluni, ullup ataatsip ingerlanerani aatsaat taama nalikillitigaluni.
- Aatsaat taama saqqummersisoqanngilaq, niuffaffinnilu uivernersuaqanngilaq, nunani avannarlerni bankimi sulisoq atersineqanngitsoq oqarpoq.