Islandip 'KNR'-ia sulisuminik soraarsitsiortortoq

Radioqarfimmi inuit tallimaagaangata ataatsip soraarsitaanerata kingunerissavaa Radiop aallakaatitsisarnerata annikillinera, nutaarsiassat naannerulissapput ikinnerulerlutillu, unnuaaneralu radiomi nutaarsiassat piivinneqassapput. Aallakaatitassiarpassuit allatut ajornartumik aallakaatinneqartarunnaassapput.

Aallakaatitsinermi pisinnaatitsissummut akiliutit ussassaarutinullu aningaasat ikinnerulersimapput, taamaammat aningaasat taakkunannga isertinnqeartartut ikilerujussuarlutik, taamaammat soraarsitsinissaq pisariqalersimavoq.

TV-kanali ataaseq Radiokanalillu marluk RÚV-p ingerlarai. Taakku pingasut sipaarniarnermit eqqugaasussaapput, sulisut sinniisaat, Hallgrímur Indriðason. oqarpoq.

- Immikkoortortanmi sulisut tamarmik eqqugaassapput. Radiomi tusagassiortunit 60-init 14-15-it soraarsitaassapput. TV-mi nutaarsiassalerisut arfineq-pingasuupput, allanillu aallakaatitassiortut sisamaallutik. Radioteknikererpassuit aamma soraarsitaassapput, , Hallgrímur Indriðason ilisimatitsivoq, aamma oqarluni, aviisiliortut/-tusagassiortut suliunnaarnerisigut aallakaatitassiat imarisaat malunnassaqisut.

TV-qarfik aamma eqqorneqassaaq, aaqqissuisulli TV-kkut nutaarsiassat maanna aallakaatittarnerattut aallakaatittuarnissaat anginiarniarpaat.

Islandimi aappaagumut aningaasanut inatsisissamut siunnersuut suli akuersissutigivinneqanngilaq, taamaammat sipaarniutissat suli inissivinneqaratik. Aningaasanut inatsisissap decembarimi akuersissutigineqarnissaa ilimagineqarpoq.

Reykjavikimi Radiohusip silataani akerliussutsimk ullumi takutitsisoqarpoq.