Islandip illersornissamut nakkutilliivia danskit sakkutuuaniit akuuffigineqaqqilissaaq.

Tamanna peqquteqarpoq, Island NATO-mut qinnuteqarsimammat Islandip silaannartaani timmisartukkut nakkutilliinissamut ikioqqulluni.

Islandip silaannartaani illersornissakkut ikiuukkusuttunut qinnuteqartunut Danmark ilaavoq.

Danmarkimi aviisimi Berlingske Tidende-mi taama allaaserinnittoqarpoq.

Islandip nunanut allanut ministereqarfianniit paasisat naapertorlugit, NATO aalajangersimavoq Islandip silaannartaani malersuutinik timmisartuliiniarluni sapaatip akunneri pingasukkaarlugit, piffissani sisamani.

Frankrig nunani siullersaalluni timmisartunik malersuutinik Islandimukartitsiniarpoq, USA tulliulluni, naatsorsuutigineqarporlu Danmark pingajuujuamaartoq.

Timmisartunut inuttanullu aningaasartuutit nunanit aallartitsisuniit akilerneqassapput, ineqarnerat najugaqarnerallu islandimiunit isumagineqassallutik.

Islandimiut NATO-mut peqqusisimapput Islandip silaannaa NATO-mit nakkutigineqassasoq, naak Island qunusaaarneqartarsimanngikkaluartoq, inunnilli 300.000-nit najugaqarfigineqarluni.