Islandip akiitsui amerligaluttuinnarput

Island-ip aningaasatigut akiitsui amerligaluttuinnarput mannakkullu naalagaaffimmi tunisat ukiumut ataatsimut nalingat pallikkiartorpaat, tyskit aviisiat welt and Sonntag taamatut allaaserisaqarpoq.
Allattoq Jaaku Lyberth
februaarip 22-at 2009 17:41

Islandip niuernikkut ministeria Gylfi Magnusson aviisimi apersorneqarluni oqarpoq, aningaasarsiornikkut ajornartorsiorneq pissutigalugu Islandip siunissaa taartutut isigigini, taamaattorlu aamma qaamanersaqartoq oqarluni tassamigooq aningaasarsiornermik sulisoqarmat.

Gylfi Magnusson aperineqarpoq Islandip nunanut allanut akiitsui qanoq amerlatiginersut, tamannali akisinnaasimanngilaa oqarluni akiitsut amerligaluttuinnartut ukiormanna aappagulu aningaasatigut missingersuusiornermi annertuumik amigaartoorfiussasut.

Nunanut allanut atukkat amerlavallaarneri pissutaallutik Islandimi aningaaseriviit siorna ajalusoorput, oktobarillu qaammataani aningaaseriviit naalagaaffimmit oqartussaaffigineqalerput.

Islandimi innutaasut pissutsinik akuersisinnaanatik akerliussutsimik takutitsisaqattaarput tamatumalu kinguneraa qinersisoqartussanngornera tamannalu pissaaq maajip qaammataani – nalinginnaasumik qinersinissaq ukiut marluk qaangiuppata aatsaat ingerlanneqartussaagaluartoq.