Islandimut atukkiussat Dansk Folkepartiimit unitsinniarneqarput

Islandimiut nunanit allanit atukkaminnik taarsiisinnaanissaat Dansk Folkepartiimit apeqquserneqarpoq, taamaattumik Danmarkip Islandimut atukkiunniagaasa 3,6 milliardit koruuniusut unitsinneqarnissaat, Dansk Folkepartip piumasarilerpaa.
Allattoq Elisa Isaksen
januaarip 07-at 2010 07:07

Tamanna pivoq, Islandip præsidentiata, taarsersuinissamut isumaqatigiissummik taaneqartoq, Hollandimiunut Tulunnullu aningaaserivimmit sullinneqartunut, Islandimiut aningaaseriviata IceSavep akiliisinnaajunnaarneratigut, aningaasatigut annaasaannik taarsiissuteqarnissamut tunngasup atsiornissaa itigartitsissutigereeraalu.

- Islandimi pissutsit isumannaallinissaat utaqqeqqaarlugu, Danmarkimi naalakkersuisut aningaasanik aatsaat tunniussinissaat piumasaraarput. Island aningaasat utertinneqarnissaannik tunngaviusumik piumassuseqanngippat, aningaasanik amerlanerusunik atukkerneqartariaqanngilaq, Dansk Folkepartip folketingimi ilaasortaatitaasa siulittaasuat Kristian Thulesen Dahl, Folketingip aningaasaqarnermut ataatsimiititaliaani aamma siulittaasuusoq oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq