Islandimut aqqussua tamaat naloreerluni tikikassammat toquppaat
Nanoq Kalaallit Nunaanniit Islandimut aqqut sivisoqisumik naloreerluni kiisami tikikasammat Islandimiunit aallaaneqarluni toqunneqarsimasoq, aviisimi Ekstra Blademi aallaserineqarpoq.
Allattoq Louise M. Kleemann
juunip 04-at 2008 09:33
Nanoq marluk missaani ukiulik ilungersoqaluni aqqussualu takigaluaqisoq tupinnaannartumik annassimalluni Islandip avannaanut tikikkaluarmat annaanneqanngilaq, Islandimilu avatangiisinut ministeeriaqarfiup akuersissutigisaanik Islandimi piniartunit aallaaneqarluni toqunnerpoq.
Nannut nungukkiartulernerarlugit Amerikamiunit erseqqissaatigineqaqqammeraluartoq taamaattoq nannup toqunneqarnissaa aalajangiunneqarsimavoq.
Toqunneqareerneratalu kingorna oqaatigineqarpoq nanoq ilisimajunnaartinneqarsimasinnaagaluartoq Kalaallillu Nunaannut ilisimannginnerani timmisartukkut uterteqqinneqarluni.
Islandimi maanna tamanna pillugu tusagassiutitigut tusarliussisoqaqattaarpoq, inuillu nannup pineqarnera nuannarinngilluinnarlugu tutsiuttarsimapput.
