Blue Lagoon i IslandAssi: Dan Nguyen/Flickr Creative Commons

Islandimut 2016-imi takornariartut 1,8 millioniusut

Takornariartitsineq Islandimi inuussutissarsiutit annersarilerpaat, aalisarneq inuussutissarsiutini taamaalilluni pingaarnerpaajunnaarpoq.

Danmarkip Radio taama allaaserisaqarpoq.

Islandimut takornariat 2016-imi 1,8 millioniusimapput. Tamanna kisitsisini Islandimi Takornariartitsinermut siunnersuisoqatigiinneersuni takuneqarsinnaavoq.

Takornariat ukiup siulianut naleqqiullugit 40 procentinik amerlanerupput.

Nunarsuarmi aningaasaqarnikkut ajornartorsiuteqarnerup kingunerisaanik Islandip 2008-mi aningaasaqarnikkut ajalusuungajannerata kingorna takornariaqarneq siuariartuinnavippoq.

Pinngortitarlu immikkuullarissoq takornariarpassuit takorusullugu tikittarput. Islandimi suliffissaaleqineq maanna 2 procentit missaannaaniippoq nunallu aningaasaqarnera ukiumut 4 procentit missaannik siuariaateqartarluni.

Taamatulli ineriartortoqarnera aningaasaqarnermut professorip Islandip Universitetianeersup Thorolfur Matthiassonip ernumanartoqartippaa. Takornariaqarnerup annertusinerata malitsigisaanik islandimiut koruuniata nukittunerusumik inissisimalerneratigut, inuuniutillu akisunerulernersigut nunap aningaasaqarneranut akornutaasinnaanera aarleqqutigaa, tamanna aningaasaqarnerup siuariartorneranik sanngiillisitsisinnaammat.

Taamaammat takornariaqarneq kinguariartulissagaluarpat qanoq iliortoqarnissaanut Island pilersaaruteqartariaqarsoraa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat