Islandimiut taasisitsoqarnissaa piumasaraat
Akiligassammi 26 milliardit koruuninik amerlassuseqartussaapput. Tamatuma assigaa, Islandimiup ataatsip 90.000 koruuninik akiliuteqarnissaa. Tamannalu akuerineqarsinnaanngilluinnartoq, Islandimiorpassuit isumaqarput.
Taamaattumik Islandimiut 61.000-it atsiornermikkut piumasaraat, nunap akiligassaminik utertitsiniarnera pillugu inuit taasitinneqassasut.
Tamatuma saniatigut ippassaq ullaap tungaani præsidentip illorsuata silataani akerliussutsimik takutitsisoqarpoq. Akerliussutsimik takutitsisut, aningaasanik nunani allamiunut utertitsinissamik isumaqatigiissutip præsidentimit atsiorneqannginnissaa piumasaraat - tassami præsidenti atsiunngippat, Islandimiorpassuit kissaatigisaattut, inunnik taasisitsisoqarsinnaassagaluarmat.
Isumaqatigiissummi pineqarpoq, aningaaseriviup Icesavep sullissimasaasa, Tuluit Hollandimiullu 400.000-iusut annaasaat, Islandip ukiuni 14-ini tulliuttuni akilersussagai.