Islandimiut pualasuut amerliartorput
Misissuineq 2007-mi ingerlanneqartoq, 1990-imi misissuinermut sanilliunneqarpoq, tassani paasineqarpoq islandimiut angutit 7 procentii arnallu 9,5 procentii pulasuujusut.
Islandimiut 43 procentii oqimaappallaartutut imminnut isigisut misissuinermittaaq paasineqarpoq, oqimaassutsiminnillu nuannarinninngitsut arnaakkajuttartut paasineqarluni.
Islandimiut timersornerulissasut peqqinnarnerusunillu nerisaqassasut Islandimi peqqissusermik ilisimatusarfimmit kaammattuutigineqarpoq, peqqinnarnerusumillu inuuneqalernissaq anguneqassappat sanigorsarneq mianersuunneqassasoq innersuussutigineqarpoq, tassami sukkavallaamik sanigorsarneq peqqinnarnerusumik inuuneqalernermik kinguneqarneq ajorpoq akerlianilli sunniuteqartarluni, islandimiut aviisiat Fréttabladid, taama allaaserisaqarpoq.
