Islandimiut nukissiuuteqarfik pisiareqqinniarsarinialerpaat

Islandimi nukissiuuteqarfik Islandip nammineq pigisariaqaraa, erinarsortartup Bjørkip qangali sorsuutigilerpaa.

Islandimi nukissiorfik, HS Orka, Islandip naalakkersuisuisa Canadami nukissiorfimmut Magma Energymut tunimmassuk, erinarsortartoq Bjørk isornartorsiuilluni sukataalerpoq. Tamanna pissutigisimanerlugu, Islandimi Avatangiisinut Naalakkersuisup, Svandis Svavarsdottir-ip HS Orkap Magmamit utertillugu pisiarineqarnissaa isumaqatigiinniarfigisussanngorpaa.

- Isumaqatigiinniarneq tulleq tassaassaaq, Magma Energymik isumaqatigiinniarnerup piviusunngortinnissaa, Islandimiut radioannut Svandis Svavarsdottir oqarpoq.

Siorna Orkap Magmamut tunineqarnissaa Inatsisartuni ataatsimniisitaliap akueraa, taamanili tassa maannamut taama iliorsimaneq kikkunit tamanit akerliuffigineqalerpoq.

Politikki tunngavigalugu Bjørk suliniuteqartartuusoq ilisimaneqarpoq. Nukissiorfik tunineqarmat, Bjørk oqarpoq, islandimiut nunartik namminneq oqartussaaffigisariaqaraat, inunnillu taasisitsinikkut nunap pisuussutaat namminersortunut tunineqartannginnissaat piumasaralugu.

Orkap tunineqarnera inatsisitigut pituttugaasoq Magmna Energyp oqaatigaa.