Islandimiut ulluni makkunani naalliuperaalaarput.
Aningaasaqarniarnikkut ajornartorsiuteqangaatsiarput, sakkutooqarfiisa ilaat amerikamiunit matuneqaqqajaavoq, aammagooq massakkut paasitinneqarput erinarsuut, erinarsornermik nunarsuaq tamakkerlugu unammisitsinissarsuarmi, Melodi Grand Prix-mi, ilaatinniagaat naammagittaalliutigineqarsimasoq.
Aviisi Morgunbladid naapertorlugu erinarsornissami islandimiup arnap erinarsortartup, Sylviap videoliaanik tusarnaartillutik, oqaatsit paquminakujuttut atorneqarnerat aaqqissuisut naammagittaalliutigisimavaat. Erinarsuummini ajugaanissani erinarsuutigitillugu oqaasipiluutitut taaneqarsinnaasoq “fuck” atorsimavaa. Grand Prix-p toqqaannartumik ingerlanneqarnerani taanna oqaaseq atussagaluarpagu, ingerlaannaq atorsinnaanngitsutut tunuartinneqassasoq, aaqqissuisut sioorasaarutigaat.
Erinarsortartup arnap isornartorsiorneqarnini paasisinnaanngilaa. Oqaannarpoq, oqaaseq nuannarineqartoq sunniigajuttorlu taamaallaat atorini.
Melodi Grand Prix Grækenlandimi Athenimi ukioq-manna sapaatip-akunnerata tulliani ingerlanneqartussaavoq. Island semifinalimi sisamanngornikkut peqataaqqaassaaq.