Islandimiut imernerulersimapput

apriilip 07-at 2006 07:14

Islandimi immiaaqqanik tunisassiorneq iluanaarutaaleraluttuinnarpoq, innuttaasut immiaarartornerulersimammata.

Islandimiut immiaarartortagaat ukiut qulit kingulliit marloriaatinngorsimapput.

1990-kkut qiteqqunneranni agguaqatigiisillugu ukiumut 30 liiteri imertarpaat; massakkullu ukiumut 67 liiteri imertalersimagaat, Nunat Avannarliit siunnersuisooqatigiiffiat nalunaarpoq.

Islandimi angutit arnanit pingasoriaammik imigassartornerusartut paasineqarpoq.

Imigassaq akoqanngivissoq Islandimi imerneqartartoq agguaqatigiissikkaanni, inersimasup ataatsip ukiumut 7 liiteri sinnilaarlugu imertarpaa.

Danmarkimi nunatsinnilu imigassaq akoqanngivissoq inersimasup ataatsip ukiumut 11 liiteri sinnerlugu imertarpaa.