Nunanit allanit

Islandimiut atii 600-it maanna paasineqarput

Islandimi akileraarutinik akiliinissaq pinngitsoorniarlugu Panamami piginneqatigiiffiliornerit paasineqartut amerlagaluttuinnarput. Islandimiut atiinik allaqqasut 600ngajaat maanna paasineqarput.
Allattoq DR
apriilip 09-at 2016 16:50
Nutserisoq Jaaku Lyberth

Akileraarutikinneruniarlutik Panamami pigineqatigiiffiliortut ilaatigut tassaapput, siornatigut ministeriusimasoq, nakorsaatiliorfimmi pisortaq amma islandimi aviisit pisoqaanersaanni  aaaqqissuisoq, taassuma Panamami pappiaqqanik taasat paasineqarnerat siulliulluni allaaserivai.

Taakua piaraarulutik unioqqutitsiniarsimanngitsut,  Danmarks Radiup Islandimi aallartitaa Lisbeth Sung oqaluttuarpoq.
Nakorsaatiliorfimmi pisortaq kisiartaalluni  Islandimi akileraartarnermik oqarpoq,

Ministeriusimasoq aamma Islandip naalagaaffiata  aningaaseriviani pisortaasimasoq oqarpoq, inunnit allanit isumagineqarsimasut tassalu qanoq pisoqarsimaneranik nammineq tamakkiisumik ilisimasaqarsimanani oqarpoq.

Islandimi ministeriuneq akileraarnikinnerunissamik iliuuseqarsimarsinera paasineqarmat tunuarpoq, tamannali Islandimi innuttaasut naammaginngilaat,  amerlanerillu qinersisoqarnissaanik piumasaqarlutik. Islandimi naalakkersuisut neriorsuutigireernikuuat ukiamut qinersisoqassasoq.
 

Islandimi inatsisartut ataatsimiittarfiata Reykjavikkimiittup saavani sapaatip akunnerata naanerani aamma sapaatip akunnerata tullia tamaat akerliussutsimik takutitsinissamik pilersaaruteqartoqartoq, DR-imi tusagassiortoq Lisbeth Sung taama tusarliivoq.

 

Aamma atuaruk