Islandimiut arferup neqitorusuppallaanngillat
septembarip 15-at 2006 10:38
Islandimiut inuusuttaannit arferup neqaa nakerineerukkiartorpoq.
Gallup-ip misissuisitsinerani erserpoq, Islandimiut inuusuttai 16-iniit 24-nik ukiullit 82 procentii arferup neqaanik nakerisaqanngitsut, taama Islandimiut aviisiani Morgunbladid-imi allaaserineqarpoq.
Islandimi utoqqasaajunerusut arferup neqaanik nakerisaqarnerusimapput, - 55-iniit 67-nik ukiullit arferup neqaanik nerinerusarsimagamik. Tassalu agguaqatigiissillugu Islandimi innuttaasut 1,1 procentii sapaatip-akunneranut arferup neqaanik nerisarsimasut misissuinermi paasineqarpoq.
Islandimiut 52 procentii sinnerlugit kukkukuuaqqanik nakerisaqarnerupput, 47 procentiilu sapaatip-akunnerata ataatsip ingerlanerani arferup neqitornissaminngarnit savatorusunnerusimapput.
