Islandimiut arferup neqaanik Japanimut tuniniaaqqilerput
- Nunat arfanniartartut pingaarnerit pingasut tamarmik immikkut tamanna aningaasarsiorluarfigissavaat, Kristjan Loftsson Islandimiut arfanniartartoqatigiivini Hvalurimi, pisortaaneq, Australiami aviisit ilaannut, The Australianimut, taama oqarpoq.
Tikaagulliusaap neqaa 80 tonsi, Islandimiit Japanimut siorna nassiunneqarpoq. Tikaagulliup neqaa tonsit tallimanik oqimaassusilik, Norgimit Japanimut nassiunneqareersoq aamma ilisimatitsissutigineqarpoq.
- Japanimiut arferup neqinngersorujussuupput, Kristjan Loftsson oqarpoq, neqilu pineqartoq Japanimut apuunneqareersoq erseqqissaassutigalugu.
Aammattaaq oqaatigaa, Islandip imartaani Norgemiut tikaagullinniarfigisaanni naatsorsuutigineqartoq, tikaagulliusaat 25.000-iusut tikaagulliillu 100.000-iusut.
Qamutilittarluni arfanniartarneq uumasunik illersuiniaqatigiiffinnit nunanillu amerlasuunit akerlilerneqarpoq, taamaalilluni Arfanniarneq pillugu Ataatsimiititaliarsuup arfanniarsinnaaneq 1986-imi unitsippaa.
