Islandimiut aningaasanik peqquserluuteqarsimaneragaapput

oktobarip 30-at 2006 07:29

Danmarkimi partiip SF-ip oqaaseqartartuata Morten Homann-ip paaserusuppaa Islandimiut Danmarkimi aamma suliffissuaateqartut Danmarkimi iluanaarutiminnit akileraarutissaraluaminnut sooq akiliisannginnersut.

Islandimiut aningaaseriviat Kaupting Bank qanoq ililluni aningaasanik inatsisinik unioqqutitsilluni, tassa akileraarutaasimanngivissunik nunani allani aningaaserivinnut ingerlatitseqqiisartoq, Danmarkimi avisimi Ekstra Blademi saqqummersumi allaaserineqarpoq.

Christen Amby akileraartarnermik immikkut ilisimasalik Ekstra Blademut oqarpoq, ilisimalluarini Islandimiut Danmarkimi suliffiutaannit iluanaarutit akileraarutiginngivillugit Europami nunat ilaat Luxembourg aqqutigalugu nunanut allanut ingerlateqqinneqartartut.

Tamanna pillugu SF-it oqaaseqartitaat Morten Homann danskit akileraartarnermut malittarisassaannik misissueqqissaartoqarnissaanik akileraartarnermut ministerimut maanna piumasaqarpoq.