Islandimiu Danmarkimit anisitaasussanngorpoq
Arnaq, Politikenip oqaluussaa, angutaateqarpoq Danmarkimilu sisamanik ukiulimmik erneqarluni naartullunilu. Taamaattorli oqartussaasut isumaqarput arnap Danmarkimut attuumassuteqarnera annertugisassaanngitsoq.
Naartulerami aalajangersimasumik suliffeqarsinnaajunnaarpoq taamaattumillu Sønderborgip kommunia aningaasanik ikiorsiissutinik qinnuteqarfigalugu.
Danmarkimili oqartussaasut nunani avannarlerni innuttaasunut nuussinikkut isertitataqartartut ukiup affaata qaangiunnerani angerlartitsinissaminnut pisinnaatitaaffeqarput.
Tamannarpiaavorlu maannakkut pisoq. Siullermik arnap ikiorsiissutinik pisartagaqarnissani taamaatikkamigit Danmarkimiinnissaminut akuerineqarpoq, ullumikkullu angutaatimi akissarsiaanik inuuniuteqarluni.
Danmark nunani avannarlerni kisiartaavoq nunani avannarlerni innuttaasunik angerlartitsisinnaasoq.
2004-p kingornatigulli svenskit, norskit, finlandimiut islandimiullu 46-t isumaginninnikkut ikiorsiissutinik pisartagaqarnertik pissutigalugu angerlartinneqarsimapput. Nunani allaminunut sullissiveqarfiup nalunaarutaa naapertorlugu taama pisoqartarnera akulikilliartorpoq, tassami Danmarkimi kommunit pissakillioreeqisut taamatut periarfissaqarnera aatsaat iluamik paasilermassuk.
Nunani allanit nunasisarnermut tunngasunut ministeri Birthe Rønn Hornbech Danmarkimi periaaseq tamanna allanngortissallugu eqqarsaateqarani Politikenimut e-mailimini allappoq.
