Islandimiit nunatsinnut qajartulersut
Islandimiut misigisassarsiortartut Halldor Kristjansson aamma Baldvin Sveinbjörnsson arlaleriarlutik imaannarmi qaannaminni aasamut unnuisassapput. Tamanna pissaaq Nunatta Islandillu akornanni imartaq Danmark Stræde ikaalerpassuk.
Halldor Kristjanssonip aamma Baldvin Sveinbjörnssonip ullut sisamaniit qulit angullugit ikaassamaartut Islandimiut aviisiat Morgunbladid allaaserinnippoq. Islandimi illoqarfimmiit Isafjordurimiit aallarniarput sapaatip akunnera missaliorlugu paareerlutik Kulusuk tikissamaarlugu.
Pilersaarutit malillugit Halldor Kristjansson aamma Baldvin Sveinbjörnsson Kangerlussuarmut toqqaannarlugu ikaarniarput tassannaanniillu kujammut sineriak atuarlugu Kulusumut ingerlaniarlutik.
Qajaq imarsiut inuttaalu tamarmik ikippata naatsorsuutigineqarpoq katillugit 140 kilonik oqimaassuseqarumaartut.