Islandimi qaqqaq innermik anitsivoq
Islandimi qaqqaq Eyjafjallajøkull innermik unnuaq anitsilersimavoq. Qaqqaq Reykjavikimiit 160 kilometerinik ungasissusilimmiippoq, inuillu 600-t inigisaminniit qimagutitinneqartariaqarsimallutik. Nutaarsiassaqartitsivimmi Ritzauimi tamanna atuarneqarsinnaavoq.
Allattoq Mads Lynge
marsip 21-at 2010 13:49
Aqqusernit pingaarnerit ilaat matuneqartariaqarsimavoq, mittarfiillu pingasut aamma matuneqartariaqarsimallutik, soorlu aamma Islandip kujasinnerusortaani sukannersumik naalakkersorneqarnissaanik nalunaaruteqartoqartoq.
Keflavikimi mittarfik ullup qeqqata missaani ammaqqinneqarpoq. Timmisartut Keflavikiliartut USA-mi Bostonimukartinneqartariaqarlutillu Skotlandimukartinneqartariaqarsimapput.
Aviisi Jyllandsposten naapertorlugu qaqqap innermik anitsinerani inunnik ajoqusertoqarsimanngilaq, qaqqarli alla suli sakkortunerusumik innermik anitsisinnaanissaa ilisimatuut aarleqqutigaat.
Qaqqaq Eyjafjallajøkull innermik kingullermik 1823-mi anitsivoq.
