Islandimi qaqqaq alla innermik anitseriaannaavoq
Qaqqat innermik anitsisartut taakku marluk imminnut 30 kilometerinik ungasitsigipput, nunallu naqqatigut arlaannik imminnut ataneqarsorineqarlutik.
Eyjafjallajökullip innermik anitsinerisa kingulliit pingasut kinguninnguisigut Katla anitsisarpoq. Katla qaqqaavoq innermik anitsisartoq Eyjafjallajökullimit anginerusoq.
- Eyjafjallajökullip initsinera takorloorneqarsinnaavoq, soorlu qaartartumik annermik qaartitsissutitut. Eyjafjallajökull sakkortunerusumik anitsileraluarpat Katla malinnaanngitsoornavianngilaq, taamaattoqassappallu aseruineq angingaartoq pissaaq, ujarassiooq Páll Einarson nutaarsiassaqartitsivimmut Iceland Review-imut oqarpoq.
Ujarassiuup qularinngilaa Katla-p aamma anitsilernissaa. Innermillu anitsineq ukiut 100-t missaat qaangiukkaangata pisarpoq, kingullermik 1918-imi pisimalluni.
jp.dk-mi allaaserisaq naapertorlugu, uuttortaanerit takutippaat, aamaannaq anitsinermi pavungarsuaq erfagiunneqariaannaq alliartuinnartoq aamma naqitsinera sakkortusigaluttuinnartoq.
Katla anitsilissagaluarpat innermik anitsinerup pujorsuata arsakullu silaannarmiilersussat silaannakkut angallassinermik ullumikkornit annermik eqquinerlussinnaasoq, ujarassiuut ilimagaat.
