Politikki

Islandimi naalakkersuisut taarserneqartussangorpasipput

Islandimi arfininngorpat qinersisoqarpat Atlantikup avannaani nunami sanilitsinni politikkikkut nikkittoqarnissaa ersarippoq. Partiit borgerligiusut marluk, tassa Selvstændighedspartiet aamma Fremskridtspartiet, Altingimi amerlanerussuteqalerrnissaat isumasiuinerit nutaat takutippaat, Altingimi inissanit 63-iusunit 36-t immaqa pisinnaassallugit.
Allattoq Carla Davidsen
apriilip 25-at 2013 06:35

Maanna naalakkersuisuusut, Socialdemokratit Socialistisk Miljøpartiilu 2009-mi qinersisoqarneranut naleqqiullugu kinguariarujussuarput, isumasiuinerillu malillugit 17-iinnarnik ilaasortaatitaqalissallutik.

Partiit naalakkersuisuutitaqartut Islandimi aningaasqarneq 2008-mi ajalusoortoq, ilorraap tungaanut saatikkaluaraat, taama ajortigisumik tassa inissipput.

Sipaarniuteqarnerilli aningaasaqarniarnikkullu allatigut iliuuseqarnerit islandimiunit iluarineqarsimanngeqaat.

EU-mut ilaasortanngorusulluni naalakkersuisut qinnuteqaataat aamma iluarineqanngilaq, islandimiut 60 procentiisa missaat EU-mut ullumikkut naaggaarput. Partiit borgerligiusut taakku marluk, Islandip aningaasarliulerneranut 2008-mi akisussaasuunerusut, islandimiunit ullumikkut tassa tapersersorneqaqqilerput. Islandimi arfininngorpat qinersinissamut partiit 15-it qineqqusaarput.

Aamma atuaruk

Atassut: Naalakkersuisooqatigiit akileraarutinik oqilisaassinerat qineqqusaarutaavoq

Politiit ullormut nalunaarusiaat: Tillinniartoqarlunilu tillinniariaraluartoqarpoq

Politikki

Tabithe Sværd: Sikkilikka innaallagiatortut atorsinnaannginnakkit uggornarpoq