Islandimi naaggaaqqipput

Islandimi statsministerip ippassaq taasititsinerup kingorna oqaatigaa, Islandimiut innuttaasut suli piareersimasimanngitsut aningaasanik taama amerlatigisunik inatsisitigut uppernarsarluagaanngitsumik taarsiinnissaminnut.

2008-mi nunarsuarmi aningaasarliortoqalermat, Tuluit Nunaat aamma Holland aalajangerput  tuluit hollandimiullu Icesave-bankimi aningaasaatillit annaassaqannginniassammata aningaasaliissallutik. Icesavep akiliisinnaajunnaarnerata kingorna Holland aamma Tuluit Nunaat, aningaasat 30 milliard koruunit bankimut atukkiussimasatik, tiguniarlugit suliniuteqarsimapput, tamannalu Islandimiut kingumut taasissutigaat, naaggaarlugulu naak nunat taakku marluk aningaasanik atukkiussimasaminnik utertitiffigineqarnissaminnut utaqqiinnaraluartut.

Hollandimi statsiministeri Islandinimiut aningaasanik utertitsissanatik taasissuteqareersullu, pakatsisimalluni nutaarsiassaqartitsivinnut oqariartuuteqarpoq, maanna suliaq eqqartuussivinni suliarineqartariaqalersoq.

- Island aningaasanik nunatsinnut taarsiissuteqanngikkuni, tamanna Hollandimut Islandimulluuniit ajunngitsumik kinguneqarnavianngilaq, Island pisussaavoq aningaasanik Hollandimut taarsiinissaminik, Hollandimi statsministeri Kan Kees de Jager oqarpoq.

Icesavemut tunngatillugu ukioq kingulleq taasititsisoqarmat Islandimiut 93 procentii, aningaasanik taarsiisoqarnissaanut akuersaanngillat. Taasisitsisoqareernerata kingorna, Islandimi præsidenti isumaqatigininniarpoq, aningaasanik ikinnerusunik nuna taarsiissuteqassasoq, taamatullu aamma isumaqatigiissummut atsiorusunnani oqariartuuteqarsimalluni.

- Paasisinnaalluarpara, tupaallaatiginagulu Islandimiut Icesave-mut akuersaanngimmata, Birger Hermannsson Bifrost Universitetimi Lektori Ritzauimut oqarpoq.