Islandimi issittumi umiarsualiviliortoqalerpoq
Issittumi umiarsualivik, ukioq kaajallallugu sikuneq ajortoq, Islandimi sanaartorneqartussanngorpoq. Tysklandimiut umiarsualiviutileqatigiit islandimiullu sanaartortitseqatigiit suleqatigiillutik sanaartulerpaat. Suliniullu Islandip naalakkersuisuinit tamakkiisumik tapersersorneqarpoq.
Allattoq Peter Troelsen, Simon Uldum
Umiarsualivittaassaaq Finn Fjordimiissaaq. Golfstrømmip tassuunaqquuttarnera pissutigalugu inissisimaffimmi tassani sikuneq ajorpoq. Umiarsualivittaarnikkut Island uuliasiornermut gassisiornermullu annertusiartuinnartussamut eqqanaarsareerpoq. Sullualuup angallaffiullualernera eqqarsaatigalugu umiualivilik aamma inissisimalluarpoq, seatrade-global.com taama allappoq.